Ambasadori i Gjermanisë në Kosovë, Rainer Rudolph, ka vizituar ushtarët gjermanë të stacionuar në kampin Bondsteel në kuadër të misionit KFOR. Gjatë vizitës, ai është njohur me kapacitetet operacionale dhe pajisjet teknike që përdoren gjatë patrullimeve dhe vëzhgimeve përgjatë kufijve të Kosovës, duke përfshirë automjetet e blinduara dhe sistemet e avancuara të mbikëqyrjes. Rudolph ka dalë në terren në pikën e vëzhgimit CBS dhe ka vizituar zonat kryesore operacionale, ku ka vlerësuar profesionalizmin dhe përkushtimin e trupave në përmbushjen e mandatit të KFOR-it. Ai ka theksuar rëndësinë e rolit të ushtarëve gjermanë në përpjekjet paqeruajtëse të NATO-s në Kosovë, duke theksuar angazhimin e tyre në patrullime, trajnimet me partnerët dhe gatishmërinë për të reaguar ndaj situatave të sigurisë.