Ministri në detyrë për Punë Familje dhe Vlerat e Luftës Çlirimtare, Andin Hoti, gjatë një vizite në selinë e Kombeve të Bashkuara në Gjenevë, ka ngritur çështjen e personave të zhdukur me dhunë gjatë luftës në Kosovë. Në takim me përfaqësues të Komitetit të OKB-së për Zhdukjet me Forcë dhe Zyrës së Komisionerit të Lartë për të Drejtat e Njeriut, Hoti ka kërkuar një angazhim më të fuqishëm ndërkombëtar për zbardhjen e fatit të këtyre personave dhe dorëzoi një kërkesë zyrtare për intensifikimin e përpjekjeve për sigurimin e informacionit dhe dokumentacionit relevant.