Ministrja në detyrë e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka reaguar pas tensioneve dhe përplasjeve të ndodhura në Kuvendin e Kosovës, duke i cilësuar ato si të papranueshme dhe të dëmshme për imazhin e institucionit. Ajo theksoi se qytetarët dhe bashkatdhetarët nuk meritojnë të shohin sjellje të dhunshme dhe fyerje në sallën e Kuvendit, pavarësisht dallimeve politike. Kusari-Lila bëri thirrje që liderët politikë të udhëzojnë deputetët e tyre për të shmangur çdo veprim që cenon dinjitetin dhe integritetin e Kuvendit dhe të kolegëve deputetë. Për të dalë nga ngërçi politik, ajo nënvizoi nevojën për dialog, vullnet politik dhe kompromis në interes të vendit.