Ardian Gjini, kandidati për kryeministër nga Aleanca, ka bërë thirrje që qytetarët të dalin masivisht në votime të dielën dhe të mbështesin ata që dinë të realizojnë premtimet e dhëna para tyre. Ai theksoi se gjatë gjithë fushatës, Aleanca ka prezantuar një vizion të qartë dhe rrugën që duhet ndjekur për zhvillimin e Kosovës. Gjini u bëri thirrje qytetarëve që të votojnë për listën 128, duke theksuar se kjo listë përfaqëson rrugën e duhur për të ardhmen e vendit. Mesazhi i tij u përcoll përmes një videomesazhi në profilin zyrtar në Facebook, ku nxit qytetarët të marrin pjesë aktive në procesin zgjedhor.