Kandidati për kryeministër nga Aleanca, Ardian Gjini, ka premtuar rikthimin e projekteve të mëdha infrastrukturore në Anamoravë, duke theksuar se kjo zonë ka qenë gjithmonë prioritet i qeverisjes së Aleancës. Ai ka kujtuar nisjen e Autostradës së Gjilanit si një nga projektet e para të qeverisjes së mëparshme, ndërsa ka kritikuar qeverinë aktuale për mosprioritizimin e këtij projekti. Gjini ka theksuar se qytetarët e Anamoravës janë të vetëdijshëm për gjendjen reale në terren dhe ka premtuar se me planin konkret të Aleancës, projektet zhvillimore do t’u rikthehen banorëve të Gjilanit dhe Anamoravës. Ai ka shprehur bindjen se autostrada nuk duhet të mbetet peng dhe se zhvillimi i kësaj zone është i domosdoshëm për të ardhmen.