Ish-diplomati Avni Arifi ka komentuar situatën e krijuar për zgjedhjen e presidentit të ri në Kosovë, duke theksuar se ende nuk ka arritur një pajtueshmëri mes partisë në pushtet dhe dy partive më të mëdha opozitare. Ai vlerëson se zgjedhja e presidentit mund të bëhet vetëm përmes një marrëveshjeje politike, e cila sipas tij duket më e mundshme mes Lëvizjes Vetëvendosje (LVV) dhe Lidhjes Demokratike të Kosovës (LDK). Arifi thekson se fillimisht pritej të zgjidhej një president konsensual, por tani situata është zhvendosur drejt një marrëveshjeje politike mes LVV-së dhe LDK-së. Nëse nuk arrihet një marrëveshje apo konsensus, sipas tij, procesi do të shkojë drejt një zgjedhjeje formale.