Eksperti i sigurisë Burim Ramadani komentoi armëpushimin dyjavor mes SHBA-së dhe Iranit, duke theksuar se një përshkallëzim i jashtëzakonshëm është evituar, megjithatë lufta në Iran nuk ka përfunduar. Ai vuri në dukje se bota do të jetë më e sigurt kur regjimi i Ajetollahëve në Iran të mos ketë programe bërthamore dhe të rrëzohet nga brenda. Ramadani përmendi gjithashtu ndikimin e politikës ushtarake të Presidentit Trump, e cila sipas tij ka dobësuar Iranin si fuqi rajonale destabilizuese. Në këto rrethana të rënduara ndërkombëtare, ai theksoi nevojën që Kosova të ketë qartësi strategjike dhe stabilitet institucional, duke shmangur zhvillimet politike që mund të dëmtojnë sigurinë e vendit.