Katër shtetas shqiptarë janë ndaluar nga autoritetet serbe për shkak të mbajtjes së simboleve shqiptare në makinë. Ministria për Evropën dhe Punët e Jashtme e Shqipërisë po ndjek me vëmendje të plotë këtë rast dhe ka kërkuar informacion të plotë nga institucionet serbe për rrethanat e ndalimit. Përmes Ambasadës në Beograd, Shqipëria ofron asistencë konsullore, duke përfshirë kontaktet me familjarët dhe avokatët e të ndaluarve. Ministria kërkon që autoritetet serbe të respektojnë të drejtat themelore dhe garancitë procedurale, duke vepruar në përputhje me shtetin e së drejtës dhe standardet ndërkombëtare.