Ministria e Industrisë, Ndërmarrësisë, Tregtisë dhe Inovacionit (MINTI) ka njoftuar emërimin e Artan Demollit si ushtrues detyre në pozitën e Sekretarit të Përgjithshëm. Vendimi është nënshkruar nga ministrja Mimoza Kusari Lila dhe hyn menjëherë në fuqi. Me këtë vendim, shfuqizohen të gjitha vendimet e mëparshme që lidhen me ushtrimin e kësaj detyre, e cila më parë ishte në dorë të Agim Xhurajt. Ministria konfirmon angazhimin e saj për funksionimin institucional dhe përmbushjen e detyrimeve ligjore në kuadër të mandatit të saj.