Endrit Gashi, asamblist në Kuvendin Komunal të Prishtinës dhe nënkryetar i degës së Aleancës në Prishtinë, ka dhënë dorëheqje nga kjo parti për shkak të sulmeve të orkestruara dhe publikimeve të porositura brenda partisë, që synonin denigrimin e tij dhe familjes së tij. Ai ka theksuar se gjatë angazhimit të tij ka vepruar me përkushtim, integritet dhe përgjegjësi, duke respektuar ligjin dhe interesin publik, por kur sulmet personale zëvendësojnë debatin politik, vazhdimi i angazhimit nuk është më i mundur. Gashi ka njoftuar se do të vazhdojë punën e tij në Kuvendin Komunal të Prishtinës si asambleist i pavarur, pavarësisht largimit nga Aleanca. Deri më tani, Aleanca për Ardhmërinë e Kosovës nuk ka reaguar publikisht lidhur me këtë dorëheqje.