Ish-deputeti i Lidhjes Demokratike të Kosovës, Driton Selmanaj, ka reaguar ashpër ndaj mënyrës së ushtrimit të pushtetit nga kryeministri në detyrë, Albin Kurti. Ai ka theksuar se asnjë individ, përfshirë kryeministrin, nuk mund të jetë mbi Kushtetutën dhe institucionet e Republikës së Kosovës, duke nënvizuar se pushteti duhet t’i nënshtrohet ligjit dhe jo e kundërta. Selmanaj ka theksuar se Kosova nuk është pronë e asnjë partie apo individi, por është republikë e qytetarëve të saj, ku institucionet dhe rendi kushtetues janë mbi çdo pushtet politik. Reagimi i tij vjen si një paralajmërim për respektimin e Kushtetutës dhe për ruajtjen e demokracisë funksionale në vend.