Emisari i BE-së për dialogun Kosovë-Serbi, Peter Sorensen, ka theksuar se themelimi i Asociacionit të komunave me shumicë serbe në Kosovë është një obligim i kahershëm që nuk ndikohet nga zhvillimet politike apo zgjedhore në vend. Ai kujtoi se ky obligim është pjesë e Marrëveshjes së vitit 2023 dhe Aneksit të Zbatimit të saj, të dakorduar në Ohër. Sorensen nënvizoi pritshmërinë e BE-së që të dyja palët të përmbushin të gjitha detyrimet e tyre sipas marrëveshjes, pavarësisht ndryshimeve politike. Ky qëndrim vjen në një kohë kur Kosova po përgatitet për zgjedhje dhe ende nuk janë formuar institucionet e reja.