Analisti politik Afrim Kasolli thekson se vazhdimi i dialogut Kosovë-Serbi varet nga zhvillimet e brendshme politike në të dyja vendet dhe se çdo takim i nivelit të lartë, i paralajmëruar nga përfaqësuesja e lartë Kaja Kallas, do të ketë në fokus Asociacionin e komunave me shumicë serbe. Ai shpjegon se takimet nuk do të synojnë marrëveshje të reja, por zbatimin e marrëveshjeve ekzistuese të Brukselit dhe Ohrit, të cilat janë detyrime ligjore për palët. Sipas Kasollit, Kosova duhet të bëjë hapin fillestar në adresimin e draft-statutit të Asociacionit dhe dërgimin e tij në Gjykatën Kushtetuese. Kjo çështje mbetet prioritet për bashkësinë ndërkombëtare BE-SHBA dhe përfaqësuesit e dialogut.