Ish-presidentja e Kosovës, Atifete Jahjaga, ka shprehur mbështetjen e saj për “Marshin për Liri” që do të mbahet më 12 shtator në sheshin “Skënderbeu” në Prishtinë. Ajo priti ekipin e platformës qytetare “Liria Ka Emër”, me të cilin diskutoi rëndësinë dhe mesazhin e marshit në mbështetje të çlirimtarëve si Hashim Thaçi, Kadri Veseli, Jakup Krasniqi dhe Rexhep Selimi. Gjatë vizitës, përfaqësuesit e platformës vizituan edhe muzeun “Çast”, i cili përkujton viktimat e dhunës seksuale gjatë luftës dhe sfidat me të cilat ato janë përballur, duke përfshirë edhe stigmatizimin në shoqëri. Platforma “Liria Ka Emër” falënderon fondacionin “Jahjaga” dhe ish-presidenten për mikpritjen dhe përkrahjen e tyre në këtë iniciativë.