Autoriteti Federal i Aviacionit Civil i Gjermanisë ka përmirësuar një pasaktësi të gjatë, duke korrigjuar vendosjen e gabuar të aeroportit ndërkombëtar të Prishtinës “Adem Jashari” si pjesë të Serbisë. Ky ndryshim erdhi pas reagimeve të qytetarëve kosovarë dhe angazhimit të vazhdueshëm diplomatik nga ambasada e Kosovës në Gjermani. Ambasadori Faruk Ajeti theksoi se ky është një shembull i qartë se si reagimi qytetar dhe diplomacia aktive sjellin rezultate konkrete. Ai gjithashtu bëri thirrje që nëse hasen pasaktësi të tjera në institucione apo kompani gjermane, qytetarët të raportojnë për t’i adresuar dhe korrigjuar ato.