Kryetari i Gjilanit, Alban Hyseni, ka deklaruar se qytetarët kanë shprehur kritika për ngecjet në disa projekte madhore, përfshirë autostradën Gjilan-Prishtinë. Ai ka theksuar se kontratat aktuale për këtë autostradë duhet të ndërpriten urgjentisht dhe se është e nevojshme një projektim i ri për të vazhduar punimet. Hyseni ka takuar ministrin në detyrë të Infrastrukturës, Dimal Basha, me të cilin ka ndarë rekomandimet e tij dhe ka gjetur pajtueshmëri për ndryshimet e nevojshme. Përgjegjësinë për përfundimin e projektit e ka Ministria e Infrastrukturës, ndërsa kryetari i komunës nuk jep afate për mbarimin e punimeve.