Udhëheqësi i Zyrës për Rikthimin e Aseteve, Bahri Hyseni, zhvilloi një takim me këshilltarët e Ambasadës së Mbretërisë së Bashkuar në Kosovë, Alan Barr dhe Nick Wilcox. Gjatë takimit u diskutua roli dhe funksionimi i Zyrës për Rikthimin e Aseteve, si dhe proceset e ngrirjes, sekuestrimit dhe konfiskimit të pasurisë, duke përfshirë rikthimin e aseteve të sekuestruara dhe të konfiskuara. Vëmendje e veçantë iu kushtua forcimit të bashkëpunimit ndërinstitucional ndërmjet institucioneve ligjzbatuese që kanë nënshkruar Memorandumin e Mirëkuptimit, me qëllim rritjen e efikasitetit në luftimin dhe konfiskimin e pasurisë së fituar në mënyrë të kundërligjshme. Hyseni falënderoi përfaqësuesit e ambasadës për mbështetjen dhe theksoi rëndësinë e vazhdimit të komunikimit dhe takimeve të rregullta për të arritur rezultate konkrete në praktikë.