Deputeti i Lëvizjes Vetëvendosje, Agim Bahtiri, në koordinim me kryeministrin Albin Kurti, ka shkuar në konferencën për shtyp të Lidhjes Demokratike të Kosovës për t’i kërkuar nënshkrimet e nevojshme për zgjedhjen e presidentes. Ai ka akuzuar opozitën për vonesa dhe mungesë serioziteti, duke theksuar se nëse posedojnë nënshkrimet, duhet t’i dorëzojnë menjëherë dhe të mos i mbajnë pezull, pasi kjo po pengon procesin. Bahtiri ka kritikuar gjithashtu dokumentet e dorëzuara nga opozita, që sipas tij janë të paplota dhe me datë të gabuar, duke i cilësuar këto veprime si lojë me qytetarët e Kosovës. Ai ka paralajmëruar se opozita do të ndëshkohet për këtë sjellje, ndërsa Vetëvendosje po bën përpjekjet maksimale për të zgjedhur presidenten sa më shpejt.