Deputeti i Lëvizjes Vetëvendosje, Mefail Bajqinovci, ka reaguar ashpër ndaj thirrjeve të opozitës për protesta në rrugë, duke i cilësuar ato si përpjekje për “zhurmë” pa mbështetje qytetare. Ai thekson se qytetarët kanë dhënë verdiktin e tyre në zgjedhje, ku Lëvizja Vetëvendosje dhe kryeministri Albin Kurti morën mbi 51% të votave. Sipas Bajqinovcit, thirrjet për protesta vijnë nga figura politike që dikur kanë qenë në pushtet dhe tani kërkojnë të rikthehen, por koha e tyre ka kaluar. Ai nënvizon se populli nuk do të mobilizohet për interesa politike të ish-pushtetarëve dhe se ata tashmë janë dërguar në opozitë.