Kryetari i Shqipërisë, Bajram Begaj, priti kryetaren e Komunës së Preshevës, Ardita Sinani, ku diskutuan për të drejtat dhe sfidat e shqiptarëve në Luginën e Preshevës. Begaj theksoi se Shqipëria do të vazhdojë të jetë një zë i fuqishëm në mbrojtje të shqiptarëve në Preshevë, Bujanoc dhe Medvegjë, duke nënvizuar rëndësinë e dialogut dhe bashkëpunimit për gjetjen e zgjidhjeve të përbashkëta. Sinani informoi presidentin për zhvillimet dhe sfidat e komunitetit shqiptar, duke falënderuar Shqipërinë për përkrahjen e vazhdueshme në afirmimin e të drejtave në arsim, kulturë dhe zhvillim ekonomik. Diskutimet përfshinë edhe projektet zhvillimore dhe forcimin e bashkëpunimit ndërmjet institucioneve të Shqipërisë dhe komunitetit shqiptar në Luginë.