Deputetja e LDK-së, Hykmete Bajrami, ka akuzuar kryeministrin Albin Kurti për mungesë gatishmërie për zgjedhjen e presidentit të ri dhe për synimin për të dërguar vendin në zgjedhje të jashtëzakonshme. Ajo tha se Kurti ka pasur mundësi të arrijë marrëveshje politike për zgjedhjen e presidentit, por nuk ka bërë asnjë tentativë gjatë 8 ditëve të fundit. Bajrami theksoi se LDK-ja nuk do të votojë asnjë kandidat të propozuar nga LVV-ja dhe se presidenti duhet të jetë një figurë unifikuese, jo pjesë e ndarjes së pozitave politike. Sipas saj, nëse kalon afati kushtetues 34-ditor për zgjedhjen e presidentit, përgjegjësia kryesore për dërgimin e vendit në zgjedhje bie mbi kryeministrin Kurti dhe LVV-në.