Drejtori i Përgjithshëm i Shërbimit Korrektues të Kosovës, Ismail Dibrani, priti në takim ambasadorin e Mbretërisë së Belgjikës, Grégoire Cuvelier, për të diskutuar mundësitë e bashkëpunimit në fushën korrektuese. Gjatë takimit, Dibrani prezantoi arritjet e Shërbimit Korrektues, duke përfshirë avancimin e programeve rehabilituese dhe përmirësimin e kushteve në institucionet korrektuese, si dhe përkushtimin për respektimin e standardeve ndërkombëtare. Ambasadori Cuvelier vlerësoi progresin e bërë dhe shprehu gatishmërinë për të thelluar bashkëpunimin, veçanërisht në fushën e reformës dhe zhvillimit të kapaciteteve profesionale. Ky takim shënon një hap të rëndësishëm drejt forcimit të marrëdhënieve ndërkombëtare dhe përmirësimit të sistemit korrektues në Kosovë.