Ministri i Administrimit e Pushtetit Lokal, Elbert Krasniqi, ka zhvilluar një takim me ambasadoren e Finlandës në Kosovë, Evamari Laaksonen, ku diskutuan për thellimin e bashkëpunimit ndërinstitucional dhe qeverisjen lokale. Në fokus të bisedave ishte forcimi i kapaciteteve të komunave, shkëmbimi i përvojave dhe ndërtimi i partneriteteve mes komunave të Kosovës dhe atyre finlandeze. Ata diskutuan gjithashtu bashkëpunimin në menaxhimin e mbeturinave, përballimin e situatave emergjente dhe mbështetjen e programeve që rrisin performancën dhe transparencën në nivel lokal. Ministri Krasniqi theksoi se bashkëpunimi ndërkombëtar mbetet një shtyllë kyçe për zhvillimin dhe fuqizimin e qeverisjes lokale në Kosovë.