Kryeprokurori i Prokurorisë Speciale të Kosovës, Blerim Isufaj, zhvilloi një takim pune me të ngarkuarën me punë në ambasadën amerikane në Prishtinë, Anu Prattipatin. Gjatë këtij takimi u diskutua për punën e Prokurorisë Speciale dhe për sundimin e ligjit në Kosovë, duke theksuar bashkëpunimin e ngushtë me agjencitë ligjzbatuese amerikane në luftën kundër krimit të organizuar transnacional. Prokuroria Speciale falënderoi Ambasadën e SHBA-së për mbështetjen e vazhdueshme në hetimet e suksesshme dhe për ruajtjen e pavarësisë së institucionit dhe të sistemit të drejtësisë në përgjithësi. Ky bashkëpunim tregon përkushtimin e dy palëve në forcimin e sundimit të ligjit dhe në luftën kundër krimit të organizuar në rajon.