Kryetari i komunës së Drenasit, Ramiz Lladrovci, priti në takim nënkolonelin Danilo Klinar, përfaqësuesin Rajonal të Selisë Qendrore Lindje të KFOR-it, ku diskutuan për arritjet dhe sfidat e pushtetit lokal, aktualitetin politik dhe perspektivat për fuqizimin e shtetit dhe shtetësisë. Takimi u zhvillua në një atmosferë shumë të përzemërt dhe u theksua bashkëpunimi i sinqertë dhe i ndërtuar mbi mirëbesim mes komunës dhe KFOR-it. Lladrovci falënderoi Klinarin për bashkëpunimin e shkëlqyer dhe ofroi mbështetje të plotë për ruajtjen e qetësisë, sigurisë dhe interesave të përbashkëta qytetare. Ky takim nënvizon rëndësinë e bashkëpunimit ndërmjet institucioneve lokale dhe trupave ndërkombëtare për stabilitetin dhe zhvillimin e rajonit.