Ministria e Infrastrukturës dhe Transportit në detyrë, Dimal Basha, ka zhvilluar një takim me Prof. Lavdim Osmanajn, drejtor i Institutit për Inovacion, Ujë dhe Ambient në Fakultetin e Inxhinierisë së Ndërtimit të Universitetit të Prishtinës. Gjatë këtij takimi u diskutua për mundësitë e bashkëpunimit mes ministrisë dhe universitetit, me fokus në përfshirjen e ekspertizës akademike në zgjidhjen e sfidave teknike të projekteve infrastrukturore. Veçanërisht u përqendrua vëmendja në çështjet që lidhen me ujërat nëntokësore, drenazhimin, rrëshqitjet e dheut dhe stabilitetin e terrenit, duke synuar analiza të sakta dhe zgjidhje të qëndrueshme. Ky bashkëpunim pritet të konkretizohet në projekte të ndryshme ku kërkohet ekspertizë e specializuar për të adresuar problemet teknike në mënyrë efikase dhe profesionale.