Kryeprokurori i Prokurorisë Speciale të Republikës së Kosovës, Blerim Isufaj, ka zhvilluar një takim të parë me shefin e ri të EULEX-it, Antero Lopes. Në këtë takim u diskutuan çështjet me interes të përbashkët, duke përfshirë punën, prioritetet dhe sfidat që përballen institucionet e drejtësisë në Kosovë. U theksua rëndësia e bashkëpunimit institucional për forcimin e sundimit të ligjit dhe avancimin e punës së Prokurorisë Speciale. Antero Lopes konfirmoi angazhimin e misionit evropian për të mbështetur punën dhe përkushtimin e Prokurorisë Speciale në përpjekjet për sundimin e ligjit në Kosovë.