Kryeprokurori i Prokurorisë Themelore në Prishtinë, Zejnullah Gashi, zhvilloi një takim me përfaqësues të Departamentit të Thesarit të Shteteve të Bashkuara të Amerikës, ku u diskutua thellimi i bashkëpunimit ndërinstitucional në luftën kundër krimit financiar dhe pastrimit të parave. Gjatë takimit u theksua rëndësia e forcimit të kapaciteteve profesionale dhe avancimit të hetimeve për veprat penale financiare dhe format sofistikuara të kriminalitetit ekonomik. Përfaqësuesit amerikanë shprehën gatishmërinë për të vazhduar mbështetjen dhe bashkëpunimin me institucionet kosovare në këtë fushë. Kryeprokurori Gashi falënderoi delegacionin për angazhimin dhe konfirmoi përkushtimin e Prokurorisë për bashkëpunim të ngushtë me organet ligjzbatuese vendore dhe ndërkombëtare për forcimin e sundimit të ligjit.