Ministri në detyrë i Arsimit dhe Shkencës, Hajrulla Çeku, zhvilloi një takim me Ambasadorin e Austrisë në Kosovë, Georg Schnetzer, ku diskutuan për bashkëpunimin ndërmjet dy vendeve në fushën e arsimit, shkencës dhe zhvillimit profesional. Ministri Çeku vlerësoi mbështetjen e vazhdueshme të Austrisë dhe theksoi rëndësinë e forcimit të partneritetit për projekte që synojnë rritjen e cilësisë në arsim dhe krijimin e mundësive për të rinjtë. Ambasadori Schnetzer rikonfirmoi gatishmërinë e Austrisë për të vazhduar mbështetjen, me fokus të veçantë në arsimin profesional dhe zhvillimin e kapaciteteve. Në takim u diskutua gjithashtu për thellimin e bashkëpunimit ndërinstitucional dhe shkëmbimin e përvojave për zhvillimin e mëtejshëm të sistemit arsimor në Kosovë.