Dogana e Kosovës dhe ajo britanike kanë thelluar bashkëpunimin e tyre për të rritur sigurinë kufitare dhe për të luftuar kontrabandën. Në një takim mes drejtorit të përgjithshëm të Doganës së Kosovës, Agron Llugaliu, dhe oficeres koordinuese të Doganës Britanike, Jane Donald, u diskutua për avancimin e partneritetit ndërinstitucional dhe forcimin e kapaciteteve doganore. Palët fokusuan bashkëpunimin në shkëmbimin e përvojave profesionale, ngritjen e kapaciteteve njerëzore dhe zbatimin e praktikave moderne, duke përfshirë menaxhimin e riskut dhe digjitalizimin e shërbimeve. Të dyja institucionet vlerësuan rëndësinë e bashkëpunimit të vazhdueshëm dhe shprehën gatishmërinë për thellimin e mëtejshëm të partneritetit me qëllim avancimin e standardeve profesionale dhe sigurinë kufitare.