Drejtori i Përgjithshëm i Shërbimit Korrektues të Kosovës, Ismail Dibrani, zhvilloi një takim me dy zyrtarë të FBI-së për të forcuar bashkëpunimin në fushën e sigurisë dhe zbatimit të ligjit. Diskutimet u fokusuan në parandalimin dhe luftimin e terrorizmit, identifikimin dhe menaxhimin e rreziqeve të sigurisë, si dhe në shkëmbimin e përvojave dhe praktikave më të mira ndërkombëtare për fuqizimin e kapaciteteve profesionale. U vlerësua niveli aktual i bashkëpunimit si shumë i rëndësishëm për përballimin e sfidave të përbashkëta dhe ngritjen e kapaciteteve të Shërbimit Korrektues të Kosovës. Në përfundim, palët ranë dakord të vazhdojnë dhe të intensifikojnë bashkëpunimin përmes koordinimit të vazhdueshëm, shkëmbimit të informatave dhe aktiviteteve profesionale të përbashkëta.