Gjenerallejtënant Bashkim Jashari, komandanti i Forcës së Sigurisë së Kosovës, ka pritur delegacionin gjerman të përbërë nga zëvendësambasadori Christian Böttcher dhe përfaqësues nga Zyra e Jashtme Federale Gjermane. Gjatë takimit u riafirmua mbështetja e vazhdueshme e Gjermanisë për zhvillimin dhe avancimin e kapaciteteve të FSK-së që nga themelimi i saj. Palët diskutuan për zhvillimet aktuale, prioritetet dhe nevojat e FSK-së, si dhe për situatën e sigurisë dhe bashkëpunimin në përballimin e sfidave të përbashkëta. Në përfundim, u theksua rëndësia e thellimit të bashkëpunimit ushtarak dhe forcimit të marrëdhënieve bilaterale ndërmjet Kosovës dhe Gjermanisë.