Ministri i Brendshëm në detyrë i Kosovës, Xhelal Sveçla, është pritur në Stamboll nga homologu i tij turk, Mustafa Çiftçi, ku kanë diskutuar për avancimin e bashkëpunimit në fushën e sigurisë. Sveçla falënderoi Turqinë për kontributin në stabilitetin rajonal dhe bashkëpunimin me Policinë e Kosovës, duke theksuar rëndësinë e furnizimit me pajisje moderne dhe projekteve të përbashkëta në industrinë e mbrojtjes. Një nga temat kryesore ishte edhe projekti strategjik për hapjen e fabrikës së municionit në Kosovë, si dhe përkushtimi në luftën kundër krimit të organizuar dhe terrorizmit. Ministri Sveçla shprehu gatishmërinë për thellimin e marrëdhënieve bilaterale dhe ftoi homologun turk për një vizitë zyrtare në Kosovë.