Sot u zhvillua një takim ndërinstitucional i organizuar nga Gjykata Supreme e Kosovës me mbështetjen e Misionit të OSBE-së, ku u diskutua për avancimin e praktikave gjyqësore dhe prokuroriale. Fokus i veçantë u vu në trajtimin e çështjeve të paraburgimit, sekuestrimit dhe konfiskimit, si dhe në harmonizimin e praktikave ndërmjet institucioneve të drejtësisë. Kryetari i Gjykatës Supreme, Fejzullah Rexhepi, theksoi rëndësinë e bashkëpunimit të vazhdueshëm për garantimin e sundimit të ligjit dhe forcimin e besimit të qytetarëve. Nga ky forum pritet të dalin konkluzione dhe rekomandime konkrete që synojnë rritjen e efikasitetit dhe cilësisë së sistemit të drejtësisë në Kosovë.