Ministrja në detyrë e Kulturës dhe Turizmit, Saranda Bogujevci, së bashku me zëvendësministren Nora Arapi Krasniqi, zhvilluan një vizitë zyrtare në Komunën e Fushë Kosovës, ku u pritën nga kryetari Valon Prebreza. Gjatë takimit u diskutuan projektet aktuale dhe mundësitë e bashkëpunimit në fushën e kulturës dhe turizmit, me fokus në zhvillimin e infrastrukturës kulturore dhe krijimin e hapësirave funksionale për aktivitetet kulturore dhe shërbimin komunitar. Ministrja dhe zëvendësministrja vizituan edhe Shtëpinë e Kulturës në Fushë Kosovë, duke u njohur nga afër me gjendjen dhe nevojat e këtij institucioni. Ministria e Kulturës dhe Turizmit konfirmoi angazhimin për të vazhduar bashkëpunimin me komunat në realizimin e projekteve që synojnë zhvillimin e jetës kulturore dhe ruajtjen e infrastrukturës kulturore në të gjithë vendin.