Ministrja në detyrë e Drejtësisë, Donika Gërvalla, zhvilloi një takim me përfaqësuesen rajonale të UNHCR-it për Evropën Qendrore, Nicole Epting, ku u diskutua bashkëpunimi institucional në fushën e ndihmës juridike falas dhe mbështetjes për refugjatët. Në fokus ishte avancimi i legjislacionit dhe forcimi i mekanizmave për qasje më të lehtë në drejtësi për kategoritë në nevojë, si dhe shkëmbimi i praktikave më të mira nga vendet e Bashkimit Evropian dhe Ballkanit Perëndimor. Gërvalla ritheksoi prioritetet e reformës në drejtësi dhe harmonizimin e legjislacionit me standardet evropiane, duke synuar përmirësimin e mbështetjes ligjore për qytetarët dhe grupet e cenueshme. Ky bashkëpunim synon të forcojë ndihmën juridike falas dhe të sigurojë mbështetje më të mirë për refugjatët në vend.