Drejtori i Përgjithshëm i Policisë së Kosovës, kolonel Gazmend Hoxha, ka pritur në takim ambasadorin e Hungarisë në Kosovë, László István Dux, së bashku me bashkëpunëtorët e tij. Gjatë takimit janë diskutuar tema të rëndësishme që lidhen me sigurinë dhe forcimin e bashkëpunimit policor dhe ndërshtetëror mes dy vendeve. Hoxha ka falënderuar ambasadorin për vizitën dhe ka shprehur gatishmërinë e Policisë së Kosovës për të vazhduar dhe thelluar bashkëpunimin me institucionet hungareze. Ky takim nënvizon rëndësinë e bashkëpunimit rajonal në fushën e sigurisë dhe menaxhimit të sfidave të përbashkëta.