Përfaqësues të platformës qytetare “Liria Ka Emër” u pritën nga Myftiu Naim ef. Tërnava, Kryetari i Bashkësisë Islame të Kosovës, për të diskutuar organizimin e Marshit për Liri që do të mbahet më 12 shtator në sheshin “Skënderbeu” në Prishtinë. Myftiu Tërnava shprehu mbështetjen dhe gatishmërinë për të kontribuar në mbarëvajtjen e këtij eventi, duke përcjellë mesazhe solidariteti, uniteti dhe respekti për vlerat e luftës së Ushtrisë Çlirimtare të Kosovës. Platforma “Liria Ka Emër” falënderoi Bashkësinë Islame për solidaritetin dhe mbështetjen në këto ditë vendimtare për Kosovën. Thirrja për pjesëmarrje në marsh është e hapur për të gjithë qytetarët, duke theksuar rëndësinë e bashkimit dhe përkrahjes së kauzës së lirisë dhe çlirimtarëve.