Kryetari i Bashkimit Demokratik për Integrim, Ali Ahmeti, ka përshëndetur bashkimin e forcave politike shqiptare në Mal të Zi në një subjekt të vetëm, Forumi Shqiptar. Ai e konsideron këtë bashkim si një hap të rëndësishëm që tregon se uniteti është rruga më e sigurtë për mbrojtjen e interesave kombëtare dhe përforcimin e përfaqësimit politik të shqiptarëve në këtë vend. Ahmeti thekson se bashkimi rreth vlerave dhe qëllimeve të përbashkëta është çelësi i suksesit kombëtar dhe se interesat e komunitetit duhet të jenë mbi çdo dallim partiak. Ai shpreh shpresën që ky bashkim do të sjellë më shumë zhvillim, sukses dhe një zë më të fuqishëm për shqiptarët në Mal të Zi.