BDI ka reaguar ashpër ndaj rebalancimit të Buxhetit për vitin 2026, duke theksuar se qeveria ka injoruar interesat dhe nevojat e shqiptarëve. Grupi parlamentar i BDI-së paraqiti amendamente të bazuara në nevojat reale të qytetarëve shqiptarë, duke kërkuar më shumë investime për komunat shqiptare, shëndetësinë, arsimin dhe infrastrukturën, por asnjë prej tyre nuk u pranua. Sipas BDI-së, kjo qeveri vazhdon të favorizojë zona të caktuara dhe të thellojë pabarazitë rajonale, duke refuzuar çdo propozim për zhvillim të barabartë dhe transparencë në shpërndarjen e investimeve kapitale. Partia paralajmëron se do të vazhdojë të kërkojë trajtim të barabartë për qytetarët shqiptarë dhe kritikon qeverinë për një qasje autoritare që është në kundërshtim me aspiratat eurointegruese.