Komisioni Evropian ka konfirmuar heqjen e të gjitha masave financiare ndaj Kosovës, duke liruar një shumë prej 205 milionë eurosh asistencë financiare. Ky vendim u bë i ditur gjatë një debati në Parlamentin Evropian, ku përfaqësuesi i KE-së, Jiri Plecity, theksoi se BE-ja planifikon të riangazhohet plotësisht me institucionet e Kosovës për ta rikthyer vendin në rrugën e integrimit evropian. Fondet e liruar përfshijnë 74 milionë euro për projekte në kuadër të programeve vjetore IPA 2021 dhe 2022, si dhe 131 milionë euro për projekte të financuara nga Korniza e Investimeve për Ballkanin Perëndimor (WBIF). Bashkimi Evropian kërkon nga Kosova të intensifikojë zbatimin e reformave dhe përmbushjen e obligimeve në dialogun e lehtësuar nga BE-ja, ndërsa do të vazhdojë të monitorojë nga afër situatën dhe progresin në vend.