Zyra e Bashkimit Evropian në Kosovë ka shprehur shqetësim të thellë për mosformimin e institucioneve të reja, duke theksuar se Kuvendi mbetet i pakonstituuar edhe pas skadimit të afatit kushtetues më 7 gusht. Zëdhënësi i BE-së, Nikola Gaon, ka paralajmëruar se vonesat në këtë proces mund të pengojnë reformat e rëndësishme dhe të kufizojnë mundësitë që Kosova ka për të përfituar nga Planit të Rritjes për Ballkanin Perëndimor. Ai ka theksuar domosdoshmërinë e respektimit të Kushtetutës, jurisprudencës së Gjykatës Kushtetuese dhe sundimit të ligjit, si dhe nevojën për një dialog konstruktiv ndërpartiak për të avancuar procesin konstituiv. BE-ja kërkon që të gjithë aktorët politikë të përmbushin përgjegjësitë e tyre për të shmangur përkeqësimin e krizës institucionale në vend.