Shefi i Zyrës së Bashkimit Evropian në Kosovë, Aivo Orav, ka deklaruar se për çështjet e arsimit dhe shëndetësisë në veri të Kosovës duhet të gjendet një zgjidhje përfundimtare përmes dialogut. Ai theksoi se këto struktura aktualisht funksionojnë në mënyrë paralele dhe statusi i tyre duhet të rregullohet në mënyrë të pranueshme për të gjithë. Orav paralajmëroi se procesi nuk do të jetë i shpejtë, pasi është një çështje komplekse që kërkon kohë. Për këtë çështje do të angazhohet emisari i BE-së, Peter Sorensen, i cili do të punojë për të arritur një marrëveshje të qëndrueshme.