Deputeti i Partisë Demokratike të Kosovës, Artan Behrami, ka kritikuar ashpër Gjykatën Speciale duke thënë se po devijon nga mandati që i është dhënë nga Kuvendi i Kosovës. Ai ka kërkuar që kryetarja e gjykatës, Ekaterina Trendafilova, të ftohet për sqarim në Kuvend dhe ka kërkuar mbështetjen e të gjitha grupeve parlamentare për këtë veprim. Behrami ka përmendur edhe qëndrimin e ministrit të Jashtëm, Glauk Konjufca, i cili në Këshillin e Sigurimit ka kërkuar që Gjykata Speciale të raportojë në Kuvend, duke theksuar se edhe deputetët duhet të ndjekin këtë shembull. Ai ka kërkuar gjithashtu që të ndalen raportimet në EULEX dhe të ftohet për sqarim edhe shefi i këtij misioni.