Deputeti i PDK-së, Artan Behrami, ka deklaruar se takimet e kryeministrit Albin Kurti me partitë opozitare për zgjedhjen e presidentit janë improvizime dhe nuk tregojnë interes të vërtetë për një kandidat konsensual. Ai thekson se në historinë politike të Kosovës, shumica absolute e presidentëve janë zgjedhur me marrëveshje politike dhe figura konsensuale. Behrami shton se nëse Kurti do të kishte pasur vërtet interes për një kandidat të tillë, dialogu do të kishte nisur shumë më herët, madje para dy ose një muaji. Ai akuzon Kurtin se ka përmbysur kulturën politike të pasluftës dhe po krijon konfuzion në procesin e zgjedhjes së presidentit.