Deputeti i PDK-së, Artan Behrami, ka deklaruar se mosarritja e marrëveshjes për zgjedhjen e presidentit është për shkak të qasjes së Albin Kurtit dhe Lëvizjes Vetëvendosje. Sipas Behramit, Kurti ka kërkuar që të ketë një garë reale mes kandidatëve, duke refuzuar një marrëveshje apo kandidat konsensual. Ai theksoi se PDK-ja ka qenë e gatshme për marrëveshje, por Kurti dëshironte që secila palë të propozojë një kandidat dhe fituesi të vendosej në votim. Behrami gjithashtu kritikoi akuzat e LVV-së ndaj PDK-së, duke i cilësuar si viktimizime dhe u bëri thirrje qytetarëve të mos i japin më mundësi kësaj partie.