Një ditë pas protestës ku Policia hodhi gaz lotsjellës brenda selisë së Partisë Demokratike, kreu i PD-së, Sali Berisha, dënoi ashpër këtë akt dhe paralajmëroi sulme asgjësuese ndaj selive të Partisë Socialiste në gjithë vendin. Ai akuzoi Edi Ramën si kryeministër i krimit dhe udhëheqës i një organizate kriminale, duke e bërë përgjegjës për dhunën ndaj anëtarëve të PD-së, përfshirë nënkryetarin Luçiano Boçi. Berisha kërkoi nga degët e PD-së të bëjnë rikonjicion të plotë të selive të PS dhe paralajmëroi se çdo sulm ndaj selisë së PD-së do të marrë përgjigje të ashpër. Ai e cilësoi përdorimin e gazit lotsjellës dhe bombave tymuese në oborrin e selisë së PD-së si një agresion të hapur ndaj pluralizmit dhe bëri thirrje për të ndalur provokimet.