Deputeti i Aleancës për Ardhmërinë e Kosovës, Besnik Tahiri, priti në Kuvendin e Kosovës një grup të rinjsh të udhëhequr nga deputetja e Kuvendit të Shqipërisë, Sara Mila. Gjatë vizitës u zhvillua një bashkëbisedim i hapur mbi rolin e institucioneve në fuqizimin e të rinjve dhe thellimin e bashkëpunimit mes Kosovës dhe Shqipërisë. Tahiri u bëri thirrje të rinjve shqiptarë që të besojnë në potencialin e tyre, të angazhohen në jetën publike dhe të ndërtojnë të ardhmen me guxim, dije dhe bashkëpunim. Ai theksoi rëndësinë e angazhimit të të rinjve për të ndërtuar vetë të ardhmen e tyre dhe për të forcuar bashkëpunimin ndërmjet dy vendeve.