Asamblisti i Komunës së Prishtinës, Betim Abdullahu, i është bashkuar Aleancës, njoftoi kryetari i partisë Ardian Gjini. Me mbi 10 vjet përvojë në institucionet lokale dhe si përfaqësues i qytetarëve në Kuvendin Komunal, Abdullahu sjell një eksperiencë të gjatë në shërbim të kryeqytetit. Gjini e falënderoi për besimin dhe vendimin për t’u bashkuar Aleancës, duke theksuar se angazhimi i tij dhe i profesionistëve të tjerë do të forcojë proceset e rëndësishme brenda partisë. Po ashtu, u përgëzua edhe kryetari i degës së Aleancës në Prishtinë, Kreshnik Smajlaj, për punën e vazhdueshme në organizimin dhe fuqizimin e strukturave lokale.