Lidhja e Bizneseve të Kosovës ka përshëndetur përfundimin e procesit zgjedhor dhe ka vlerësuar pjekurinë demokratike të qytetarëve dhe institucioneve të sigurisë gjatë zgjedhjeve. Në një komunikatë zyrtare, komuniteti i biznesit bën thirrje për formimin sa më të shpejtë të Kuvendit dhe institucioneve të reja, duke theksuar nevojën për institucione funksionale dhe stabile që do të adresojnë sfidat ekonomike dhe do të përmirësojnë klimën e biznesit. Ata paralajmërojnë se çdo vonesë në këtë proces krijon pasiguri për sektorin privat, dëmton besimin e investitorëve dhe pengon zhvillimin ekonomik dhe reformat e domosdoshme. Lidhja e Bizneseve i bën thirrje subjekteve politike të vendosin interesin e qytetarëve dhe zhvillimin ekonomik mbi interesat partiake, duke kërkuar stabilitet institucional dhe bashkëpunim të ngushtë mes sektorit publik dhe privat për të siguruar rritje dhe mirëqenie.